荒失失奇兵２ (Madagascar 2)

在呢個聖誕新年長假期，我最開心的活動，竟然是去睇了‘荒失失奇兵２’ (Madagascar 2)。其實我不太喜歡睇是續集的戲，因為通常不及第一集好看，又或是翻炒舊橋段，又悶又唔好睇之餘，分分鐘影響對第一集的好印象。但幾年前睇過第一集，覺得幾搞笑，近期又沒有其他戲好想睇，於是決定入戲院一看。

想不到今次的劇情比上集更搞鬼，簡直是笑料不斷，劇情是很無聊，但睇完後和朋友談起仍是十分‘回味’。由一開始班動物乘坐‘企鵝航空’，到飛機要緊急下墜非洲，已笑到我快要斷氣。雖說主角是獅子，河馬，斑馬和長頸鹿，但我認為最搶鏡最過癮還是班企鵝。表面看來他們是瘋瘋癲癲又語無論次，但又確實有料到，首先‘企鵝航空’的飛機竟然真的飛得起，到後來又想得到詐被車撞死搶車，然後用零件整飛機的大型行動；他們和猴子工業行動講數那一段也令我笑到肚痛，原來企鵝隊長和公仔‘有一手’，而企鵝隊長為維護公仔的名節，不惜忍痛要給一班全男班的馬騮‘產假’…

恭喜企鵝隊長和公仔終成眷屬！