其實間店門面睇落都乾淨企理，又標榜來自日本集團管理，用具會消毒或是一次使用乜乜物物，五十蚊又唔算好貴，於是買了張票便坐定定等剪髮。
等了十分鐘左右就有得剪啦！那‘髮型師’叫阿J，問完我要剪幾短便開始剪；哪知道剪了兩三下，他就話我的頭髮鬈曲好難剪，佢剪唔到，又問我點解唔洗過頭至黎剪，我心想：如果要客人洗過頭至黎剪，你就應該在間店門口，大大隻字寫明鬈頭髮的人請洗完頭至黎剪啦；而且你剪唔到就應該一開始同我講，俾返錢我就走，唔好剪咗幾下我騎虎難下唔湯唔水又走唔到至話剪唔到，賺咗人錢又搞唔掂好賤格姐…
我已經一肚氣無理會佢，佢竟然不斷重覆話我的頭髮鬈曲好難剪，佢剪唔到，又不停問我點解唔洗過頭至黎剪，仲要越講越大聲，越來越無禮貌，我俾錢係黎剪頭髮，唔係黎比你鬧架，我終於忍不住說了句：‘得啦！’他才收聲。
之後又有幾個唔通氣既師奶，問長問短問點買飛點樣剪剪幾耐諸如此類，佢居然擰轉頭同班師奶講野，但同時間隻手又剪緊我的頭髮，而家叫你表演特技，唔駛望住都可以剪頭髮咩？？？真係越黎越過份…
終於捱到剪前面的蔭，佢剪了兩三下就話得啦，我明明之前話剪到眼眉位置，佢剪到眼肚下就算，還堅持我一開始講錯（幾時顧客變得永遠是錯的？？？），爭論期間，他不斷拿著梳和較剪在我面前飛來舞去，之後更失手將把梳跌在我面上，幸好不是跌較剪，否則分分鐘毀容。忍到這裡我覺得實在太離譜了，於是決定立刻起身離開。
我承認係我傻，係我天真，竟然相信平野有好野，但我覺得那‘髮型師’的態度和服務實在是極度惡劣，是否人工低就代表可以表現差呢？有時候並不是一定要專業人士才能夠敬業樂業，即使是掃地洗廁所都可以盡自己本份，這是一種尊重自己尊重他人的做人態度。我不清楚那是否個別例子，但始終這是特許經營，每個‘髮型師’都應受過‘專業’的訓練，卻容許如此失德的員工極之不禮貌不合格的服務，其他分店的質素可想而之，總之我以後都不會再幫襯。
回家後才忍痛檢驗結果，我的髮型當然是慘不忍睹，簡直可以用‘災難’兩個字來形容，唉，過兩天又要再去正式的髮型屋收拾殘局…好悲…
唔好再亂信蘿蔔頭d野喇~
回覆刪除I feel sorry for your experience!
回覆刪除真係激鬼氣加一肚氣!
回覆刪除WELL我係將軍澳同坑口都剪過又快又企理喎
回覆刪除閣下可能係遇上個別不合格髮型師成功混水摸魚
不過閣下唔介比貴D都係去返有全套服務既店舖係舒服D既
[版主回覆12/14/2012 16:06:03]我可能真係遇人不淑喔...
昨午三時左右到屯門市中心剪髮，舖頭當時有2女1男，唔好彩比咗一位青年男士剪，事前已叫他跟番原本髮型剪，冇錯，他只需用咗十幾分鐘，但效果其差，態度也不好，其後约見朋友，不约而同問: 你個頭在哪裡剪? 我話: QB House, 唔該訓練好d學員才出來幫人剪啦，唔係價錢問題，係比d專業態度出来，还有，希望剪髮師掛番有名字的牌出來比顧客一目了然; 还建議希望日後可以比顧客"有權選擇"髮型師剪髮，已經足以表達到該髮型師的承授/專業情度，昨天該髮型師真係未到家在舖頭幫客人粗刀，也是我遇過最差的一位，請跟進及向該髮型師反映吓，改進吓，謝謝！
回覆刪除