五個月：好動寶寶

在這一個多月，Daniel B的活動能力好像突飛猛進，兩個幾月時還只是一pat野咁軟趴趴，想不到眨下眼，佢反轉身時已懂得頭昂昂啦，而且明顯地頭部的控制越來越穩定，跟著就突然識自己轉身；但之後幾個星期阿媽爸都提心吊膽，怕他反轉身後又不懂得反翻轉，壓著口鼻透唔到氣；不過即使出盡法寶，包括用BB睡袋，又或是用毛公仔一左一右夾住，Daniel B仍是輕而易舉反到身，但興奮地玩一陣開始累了便叫救命，於是爸媽又要睡眼惺忪地爬起身去拯救佢。

幸好過多一陣，Daniel B成功學識360度自由轉體，而且左翻得，右翻都得，阿媽爸亦終於有覺好瞓。

跟著的新發展，就是Daniel B突然發現自己有對腳啦！話說有日阿爸換完片後，比佢試下用對腳行兩步，之後佢就上左癮，一見到人就要抱著佢又行又跳，因為日日都要舉重，所以大家的二頭肌都被佢訓練得強壯無比。