南山軒私房菜

醫院canteen既飯餸出名‘清淡健康’，日日都ABCDEF雙餸真的會悶死人，難得老細今日皇恩浩蕩，大赦放我們出街食飯，我們一眾嘩鬼當然立刻頭也不回，衝出去食好d！

‘南山軒私房菜’已開張了好一段日子，試過的同事都讚不絕口，距離醫院更只需五分鐘的路程，地點尤其方便。初時以為是大排檔格局，哪知道去到，發現餐廳的裝潢都頗為雅致企理，還有室內外坐位可供選擇；室外環境其實十分開揚舒適，在和暖的日子坐在太陽底下感覺都不錯，可惜周圍實在有太多人食煙導致煙霧灕漫，故最後我們還是坐到樓上雅座比較穩陣。

室內坐位亦很寬敞，最要緊是有電視撈飯。

午市是套餐形式，共有十多款炒粉麵飯，另加一杯飲品，每款價錢$40-$50。

飲品我們試了‘南山冰’，表面看來只是涷奶茶，但原來內有乾坤，加入了條奶茶冰條，故即使冰塊溶化掉，茶味仍能保持濃郁；很有心思，不過我就覺得味道過甜了一點。

炒粉麵飯隨後送上，先來的有每日限定的‘梅菜扣肉飯’，看來油光亮麗非常對版；扣肉炆得入味非常，厚厚的肥羔部份更是幼滑甘香，可惜肉質不夠鬆化，另外如果能夠多些梅菜肉汁，用來送飯應該會更加美味。

‘涼瓜牛肉飯’隨後送上，原本只期待一碟普通的碟頭飯，想不到水準相當不錯，至少明顯是即叫即炒，上菜時仍是熱騰騰的，外觀亦整整齊齊有誠意；味道方面，不但涼瓜片爽脆甘甜，牛肉肉質嫩滑，白飯粒粒晶瑩飽滿，芡汁的濃稠度和份量也適中，令人有喜出望外的感覺。

另外我也試了‘雪菜肉絲炆米’，上場時鑊氣十足；米粉炒得爽口順滑，又不會太油膩，加上雪菜的咸香就更是開胃可口，眨下眼便被我們清理一空。

朋友點的‘咖哩牛腩飯’，外型看來七彩繽紛非常吸引，聽講不算太辣，味道亦十分不錯。

試過後大家都非常滿意，和canteen既伙食比較，簡直是另一個層次，埋單時發現醫院員工更有九折優惠，唯一問題就是有勁多的烏蠅，趕極都唔走，希望遲些能有所改善啦！