自從Daniel B考到N班後，我終於可以輕鬆一下，不用時刻訓練佢既考試技巧，週末也不需上playgroup，有時間周圍盡情地去玩。不過開心hea了幾個月，又是時候開始地獄式訓練啦，今次的目標是--戒片！！！
其實幾個月前我們已經開始，訓練Daniel B每早定時定候坐板板poo poo，(這也是一段痛苦的地獄式訓練過程)；去到兩歲時佢已經不太抗拒坐厠板，而且大部份時間都可以成功poo poo；為左香港的堆填區着想，Daniel
B你要戒片啦！
根據育兒書的指示，戒片前一日，我們先同Daniel B熟習上厠所的過程，呢個時候就需要一隻‘戒片公仔’的幫忙，熊熊‘嘉嘉’是家裡唯一一隻可以穿上衫褲的公仔，難得Daniel B又對嘉嘉一見鍾情，現在他們兩個簡直成為日夜都形影不離的好朋友。
戒片功臣--嘉嘉
到正式戒片的大日子，Daniel B起床後，就開始穿底褲仔啦！跟著每隔一個鐘左右，我們就會問佢一次有無需要上厠所，再用嘉嘉示範一次shu shu的過程；無論佢有無上厠所，只要佢能夠保持清潔乾爽，我們便會大大地表揚，另加餅餅或果汁獎勵。
其實一開始我們對Daniel B沒抱太大期待，因為之前佢可以poo poo到成個pat pat都係，仲要醃過夜N個鐘都無咩反應，直到抹pat pat覺得痛時才懂大吵大鬧。哪知道Daniel B憑著佢對零食餅餅和果汁的熱愛，極速地明白整個遊戲規則，第一日只是出事左兩次，其後每天也只有一次意外；去到第五日，Daniel B竟然一整天都能保持清潔乾爽，而且不用我們提醒，懂得主動話要上厠所，實在令人喜出望外。
戒片之後，外出實在是方便得多，不用四處找尋乾淨地方，又或是偷偷摸摸地換片；不過間中都會出少少意外，通常都是在Daniel B玩到樂極忘形的時候，所以我們出街時多數都會提高警覺，每隔一段時間便會捉佢上厠所。
只是有一次，Daniel B坐長途車時，在車上瞓著左；去到屋企門口，在矇矇矓矓之際，佢突然嘆了一大口氣，跟著我便見到一大泡尿從car seat下面流下來；那一刻確實令人十分震驚，尤其我們沒預期過有如此嚴重的意外，而Daniel B清醒之後，都覺得非常唔好意思，不斷話濕濕喎，好搞笑。
沒有留言:
張貼留言