大阪自由行Day 3...Universal Studio Japan (3)

根據我多年來去不同樂園既經驗，樂園提供的伙食，通常都係又貴又唔好食，所以今次都沒什麼期望，周圍格價完之後，就決定食這間位於紐約區，價錢較為相宜的<Louie's N.Y. Pizza Palor>。

中午十二時餐廳已是超級的多人，買野食都要大排長龍，幸好餐廳夠大都容易找到位子。我們每人點了一份套餐(1450yen)，包一角pizza，一兜意粉以及一杯汽水。

套餐內容選擇不多，pizza可揀雜菜/辣肉腸，意粉就是煙肉白汁/肉醬紅汁，但味道比想像中好，只是份量較細，食完都沒有好飽的感覺。

下午我們在侏羅紀公園區，買了隻'恐龍脾'(1200yen)，其實是火雞脾，都頗為大隻，而且味道不錯很香口。

去到Harry Potter區，當然要試杯著名的Butterbeer(600yen)，味道有些似沙士和忌簾的混合版，但入口不太甜，泡沫又更加幼滑，值得一試。