Clubmed Tomamu – 室內環境篇

下車走進Clubmed的reception，其實不太感覺自己身在日本，因為裝潢比較西化，周圍的人亦大多以英文溝通。

'Welcome drink'只有一杯清茶加毛巾，不過reception 角落有冰涷的Detox Water可以隨意飲用，Detox water其實只是加了雜果的清水，帶微量的水果味但又幾清新，因為房內只提供幾瓶樽裝水，飲完無得添飲我亦懶得煲水，所以我每次路過都連飲幾杯補補水。

等了好一會，終於有GO到來講解，但佢濃重的口音實在令我聽到一頭霧水，不過最重要是每個大人都被縛上一條電子晶片手帶，可以用來當門匙以及記帳，這樣就不用擔心忘記帶門匙，不過不太習慣手腕廿四小時都有被綑住的感覺。

聽完講解就出發前往房間，Clubmed Tomamu範圍超大，由reception走到房間都至少要五至十分鐘，兩位小兒最愛在長長的走廊上追逐暴走，因為鋪上了厚厚的地毯，所以即使跌倒了N次也不用太擔心。