香港水上樂園 – 鬼馬水上南瓜祭 (3)

 試完所有巨型滑梯之後，要冷靜下去玩<漂流探秘>，都係攤係大水泡上面慢慢浮一圈，水上另外漂浮著好多南瓜波波，但只是裝飾唔坐得，不過見有些人會拿著互相追打，玩得好癲砰砰聲連波都打爆到漏氣。

玩到中午好肚餓，揀左室內的<百味洞>餐廳無咁凍，主菜價錢80至100左右，點左三款主菜：北海道帆立貝拉麵，帕爾馬火腿野菌扁意粉，帆立貝忌廉扁意粉，加16可轉套餐有沙律和汽水，食物味道全部都不錯，只是原來沙律好細杯，不過加醬汁和酸瓜之後好好食。

食飽飽去天海彎攤一陣，室內有暖氣31C完全唔想郁，浮浮下簡直覺得自己隨時都可以瞓著。

跟著再去玩其他戶外設施，下午開始好大風同有些微雨，感覺涷左好多，玩左陣<湧浪灣>，好大浪好刺激，但太涷都要上水休息下。

之後玩<南瓜王大對決之水彈大激鬥>，即是擲水彈，擲出來的水球衝力都非常強勁，小兒勁興奮玩左好多次。

隨後玩<激流旅程>，着救生衣浮水，有暖水速度又快，可以懶洋洋不斷自轉又不怕冷親，小兒不斷要forever flow唔肯上水。

 

最後再encore其他設施多一次，下午玩巨型滑梯時已開始要排一陣隊，但有暖爐照住都不算太凍，玩左成日不停玩足六小時好盡興。