埃及之旅DAY 2 (3)

 埃及最新建成的國際機場睇落都幾靚幾先進，光線充足，窗明几淨，而且指示清晰，大部份設施也是自動化；但那兒的服務人員卻完全還是當地人的本性，厠所門口永遠站著個清潔阿叔／阿嬸，初時一大班團友衝入去時只是‘睥’住我們，後來只剩下我一個時，就無端端走來問我攞‘溫多拿’，究竟她是睇中我個樣好烚，好傻，抑或好有錢呢？？？我當然沒有理睬她，我有俾機場稅的，去次厠所都要俾‘溫多拿’，簡直係搶錢。原來今時今日咁既服務態度，喺埃及係好正常既。

之後再去了幾次厠所，每次都唔俾錢，因為好無聊而且在機場等了許久；其中一位團友的行李不見了，但領隊花了九牛二虎之力，當然包括付小費給各位官員，仍然不知道行李去向；明明已是電腦化時代，件行李行蹤應該一清二楚，但在埃及這神奇的國度，究竟件行李在香港／曼谷或是埃及，在飛機或是在地面，可以是完全一點頭緒也沒有，最麻煩是過兩天我們便坐飛機去亞斯旺，再慢慢坐遊船回開羅，因此在兩天內都找不到行李的話，之後即使找得到，行李和內裡那十天的日用品亦可以原封不動送回香港，於是大家對該團友都寄予深切的同情。

在機場眈誤了個多小時，領隊最後決定放棄，終於開始行程了！也剛好碰上了初昇的日出。