澳門旅遊學院教學餐廳 (1)

上個月前又去了澳門一轉，今次責任重大，因為還要帶齊兩對爸媽同去，四個老人家歲數加埋都超過二百五十歲，行程方面當然不能有任何緊迫或辛苦，衣食住行就更加要豪華加舒服，所以我們一早做足功課，但其實這兩天也沒有安排多少節目，只是不斷豪飲豪食，再另加＜水舞間＞而已。

去到澳門的第一站，我們先去旅遊書和網上食評都‘激讚’為平靚正之選的‘澳門旅遊學院教學餐廳’，我們打算先坐免費shuttle前往關閘，再慢慢行過去；雖然只是十五分鐘的路程，但原來要穿過簡陋的民居，路經煙塵滾滾的馬路，還要走上一條幾斜的山路，大熱天時行到身水身汗，只見班老人家越行越不耐煩，越來越黑面，還有個開始腳痛，早知搭的士好過。

終於去到山頂見到間餐廳啦！周圍環境豁然開朗，四周都是青蔥翠綠的植物，令人心情開朗不少。至於餐廳內的裝潢擺設，走的是新潮簡約路線，不算特別豪華或突出，但感覺都幾舒服，十分切合教學餐廳的形象。

我們十二時去到時都沒多少客人，先由一個領班模樣的人招呼我們，見到爸爸擦損了腳，立刻拿了幾塊膠布給他，十分細心體貼。不過之後就由學生開始實習，感覺都幾‘白老鼠’實驗品，因為班學生會口震震手震震，擺錯餐具打爛野，然後個導師便會在旁破口大罵，睇到我眼都突埋，怪不得這裡是不收服務費的。