五個半月：初嚐固體食物

去到五個半月，Daniel B每日總共要食四餐，早晚埋身加兩次樽餵，每次瘋狂搶食八安士奶後，都仍好像是lam lam脷的樣子，於是爸媽就決定讓Daniel B試食固體食物。

唔知做咩但都好興奮既小朋友…

爸媽一早做足功課，先試最少機會敏感的米糊，而且加入人奶，希望讓Daniel B更容易接受新既味道；另外又買左對溫度感應的軟膠匙，遲些餵粥仔也會安全一點。

初時還在擔心Daniel B唔肯食／唔識食，哪知道一隊隻匙羹過去，Daniel B已一口將啖米糊吞下，然後就好像發現新大陸般雙眼發光，跟著簡直是撲過來搶食，餵慢一點都會拍檯投訴：‘快D比我食呀！！！’十分之誇張。

之後我們就開始每天増加米糊的份量，不到兩星期，Daniel B已經食到一整碗粥仔代左一餐奶啦！再這樣食下去，Daniel B應該好快變肥仔！