想不到眨下眼，Daniel B已經六個月大啦！我也達成了‘全人奶六個月’既目標啦！
由Daniel B試食米糊開始，我這個人奶媽已經輕鬆不少，可能是粥仔較為飽肚，Daniel B下午茶食的奶量越來越少，代左一整餐之後，我每日只需泵五至八安士奶，見到雪櫃越積越多的雪奶，竟然有少許唏噓的感覺，覺得阿仔不再好像初出世時，如此需要阿媽了；幸好Daniel B現在仍肯早晚埋身，不過遲些離乳時，我應該會更加唔捨得吧！
回望這180多天艱苦的日子，也不知是如何捱過的，每天上班下班，拿著一袋二袋人奶趕回家，出街幾個鐘便又心掛掛要回家泵奶餵奶，也試過病到半死，仍撐起身來泵奶，每次on call完塞奶痛到想喊，亦要繼續喪泵追奶量；每一滴人奶都是帶著媽媽對BB濃濃的愛，望著Daniel B活潑健康的樣子，真的什麼辛苦也一概都忘記掉了！
現在我就應該開始享受，不用死泵爛泵的自由日子，可以出一整天的街，也不用返工忙著泵奶，仲可以計畫我的減肥大計了！
沒有留言:
張貼留言