前幾天收到幼稚園N班的入學通知書，總算鬆一口氣，這幾個月來的努力和辛苦終於沒有白費！
N班的位難入眾所周知，沒想到報了六間幼稚園，interview左三間，這麼快便confirm到學位，簡直是抺一把冷汗。
在Daniel B一歲時，我這個廿四孝阿媽便已開始預備搵資料；有N班的幼稚園實在不多，不過我都沒有大包圍地全報，因為大部份都堆積在年尾interview，日子撞期的話都沒有什麼意義，所以我只集中火力報幾間不同類型的，有近屋企的村校，亦有私校，有重學術性的，有活動教學的，也有重點教自理能力的，希望總有一間適合Daniel B吧！
跟著我在interview前幾個月，便開始地獄式訓練Daniel B；我重點特訓佢幾方面，首先當然是social skills，第一印象絕對是非常重要的關鍵，之前我擔心佢容易病所以很少帶佢出街，結果佢一去到人多的地方就緊張到不得了，甚至會緊抱著我隻腳唔放；於是這陣子我每日放工就帶佢在屋苑內周圍行，見到所有人都要打招呼，初時Daniel B真的沒什麼反應，但現在只要我一聲令下，Daniel B對著任何人，連貓貓狗狗，甚至個垃圾桶都會‘hi’同‘ bye’；而Gross motor方面，我就只是要佢周圍行，行得穩陣便可以了；另外Fine motor也只是簡單的疊積木和砌Lego；不過我最花時間就是訓練Daniel B聽指令，包括坐定定，‘比比’，講謝謝和執拾玩具，每項指令要講成十次至肯做，講到口水都乾，少一點耐性都會發癲；每日放工已經很疲累，所剩無幾的時光都要花在操練上，簡直是慘無人道。
幸好Daniel B每次interview都令我喜出望外，一次比一次出色，最近一次簡直就如友誼先生般，不斷向老師們say‘hi’‘bye’同送吻，臨走時更‘堅持’執拾好玩具才離開課室（係屋企都無見過佢咁乖），睇到我都O哂咀；現在Daniel B終於有書讀，我也可以放鬆一下，enjoy和Daniel B悠閒玩樂的時光了！
沒有留言:
張貼留言