想不到眨下眼便到了八月, Daniel B要開展漫長的學習生涯了!見到一個兩歲的小小人兒要自己一個上學,實在是不太捨得呢!很想他有個好開始,但對有什麼要準備卻沒多少的概念,戒片方面都算十分順利,只要我們提高警覺一點,基本上都不會發生特別的意外。
此外,我們也買了些講解幼兒園環境的圖畫書,不斷催眠Daniel B,返學好開心架,有好多野玩架,又有好多小朋友一齊玩架,最重要是有美味的茶點食架!!!看到Daniel B似懂非懂的表情,都確實有少許擔心。之前都有考慮過參加學前適應班,但感覺上好像只是把喊的時間提早,若果始終都是要喊的話,那就長痛不如短痛,到正式返學時,才痛痛快快地哭一場吧!
8月8日(六) ORIENTATION DAY
繼上次interview之後,終於有機會參觀一下校舍啦! Daniel B表現得勁興奮,玩到唔捨得走,仲不斷望著d靚女外藉老師甜笑地放電;但我這個阿媽orientation完後卻是頭都暈埋,因為下星期四正式返學之前,要準備勁多的開學用品,水杯,毛巾盒,白鞋,校服,人名貼紙,影證件相,仲有一大疊通告要研究,同埋一大堆文件要填妥,你估個個都係全職阿媽咩,我仲要朝八晚六返工架!
8月13日及14日(四至五) 伴太子讀書日
頭兩日開課是適應期,阿媽阿爸可以陪上課,基本和上Playgroup差不多,所以我都沒太大擔心,因為十五個月時上過Playgroup, Daniel B都已經可以坐定定專心聽書;這兩天的節目非常緊湊,講下故事唱下歌仔排隊上廁所再食埋茶點通心粉,話咁快就已經一個小時,不過成班小朋友都在發呆, Daniel B叫做最有反應的一個,間中會拍下手同埋跟著做下動作,返到屋企卻是超級興奮,不斷話返學好開心呀。
8月17日(一)
今日Daniel B正式自己一個返學啦!一去到學校門口,老師二話不說,便把他拖進校內, Daniel B完全沒有喊,只是有點不知所措地回頭望我們一眼,那一刻心情十分激動和緊張,連我自己也有想喊的衝動,但仍扮作堅強和他揮手講拜拜。之後一直忐忑不安,因為從未試過將最寶貴的Daniel B交給陌生人照顧,即使只是個多小時。接放學時,一個帶著燦爛笑容的Daniel B由學校裡彈跳出來,不斷說返學好開心呀,老師也說他全程都沒有喊過,頓時令人放下心頭大石。
8月18日(二)
第二天自己返學, Daniel B非常雀躍地拖著老師的手走進課室,居然…養到你咁大…完全無回頭望我們一眼…嗚嗚嗚…阿媽好傷心呀…但又好佩服他的適應能力。
9月1日(二)
今日Daniel B自己一個搭校巴返學,去到侯車處,在大家尚未來得及反應之前,經驗老到的校巴姨姨立刻把Daniel B挾上車,只見Daniel
B有少許愕然但又好鎮定沒有喊喎。反而我有些精神緊張,捉住阿爸去學校門口等佢,雖然此行徑十分怪獸家長,但Daniel B見到我們時(即使只有幾秒鐘)都好開心架!比佢知道我們身體力行支持佢!
放學時, Daniel B興奮地蹦蹦跳落車,話搭校巴同返學都好開心呢,實在令人感到很安慰。
沒有留言:
張貼留言