生日快樂2013 - 怪獸大學

今年的生日多了Daniel B，能夠丟低阿仔二人世界已很難得，所以決定簡簡單單去拍拖睇戲食飯慶祝；揀選了一套我倆必睇的卡通片＜怪獸大學＞，因為當年實在太喜歡＜怪獸公司＞了，雖然知道影評只是一般，不過作為＜怪獸公司＞的忠實fans，無論如何都會去捧場一下既。

三個月：Tummy time，撐起來！

今個月Daniel B又有新目標啦！就係要訓練佢既頸部和上半身的肌肉，讓佢可以成功撐起來！Daniel B個頭一日瞓成十幾個鐘，兩個月來後尾枕已經扁到不堪入目，仲有啲禿頭既現象；而且如果佢條頸無咁軟趴趴，帶佢出街都會安全和方便啲。

DAP

部門一位德高望重的上司榮休，我們決定替她籌辦一個歡送派對，有同事介紹了DAP這間樓上的法國菜餐廳，更安排了一間VIP房。入到VIP房簡直令人眼前一亮，以深紫和銀色為主調的宮廷貴族式裝潢，巨型的水晶吊燈，絲絨面質的坐椅和窗簾布，確實華麗得有點浮誇的感覺；不過這間VIP房不但私密度甚高，坐椅亦軟綿綿又舒適得，教人一坐下已不想再站起來，環境方面實在令人相當滿意。

兩個月：戒夜奶！

雖說時光飛逝，但這兩個月確實有點‘終於捱過了！’的感覺，因為這個月我們的目標是：戒夜奶！！！話說在Daniel B一個多月大的某天，兩個睡眼惺忪的爸媽淒然對望，覺得實在是時候要戒夜奶了，因為阿爸白天要返工，阿媽又要泵奶，遲些放完產假，若Daniel B繼續無定向唔知幾時半夜紮醒嘈嘈閉要食奶，我們真的再頂唔順了。於是向陪月姐姐請教了幾道殺手鐧，打算在當晚好好治理阿B一番；哪知道就在那天晚上，阿B竟然驚人地由十二時一覺瞓到五點，見到Daniel B能夠不用什麼‘殺手鐧’就自動戒夜奶，實在令爸媽們十分安慰。

洋麵屋五右衛門

這陣子日式餐廳接二連三地進駐屯門市中心，雖然全屬‘日系’類，但菜式花款多到令人眼花撩亂，今次就決定先試這間店名十分奇怪的‘洋麵屋五右衛門’，非常有漫畫書名感覺。原來這間餐廳就在以前‘豚屋’所在，之前我都只是試過‘豚屋’一次，想不到轉眼間便已易手了，有可能是地理環境所限，這裡周圍人流相對較少，在中午時份不用怎樣等位便可直接入內。

Il Posto 97

阿仔出世之後，我倆過了三個多星期天昏地暗的日子，這陣子終於感覺到日常生活開始上軌道啦！於是趁陪月姐姐尚在，決定丟低阿仔，挑選了一間在家附近的義大利餐廳Il Posto 97，兩個人去拍拖放鬆一下。

家有喜事

阿始足足消息失了一個多月，完全沒有update過這個blog，皆因‘家有喜事’！我們的小B Daniel在11.5.2013出世啦！佢‘面世’之後，我地兩個新手爸媽真係比佢玩到團團轉，每次佢一喊都確實幾不知所措(阿仔，你又想點呀???)，加上初時餵人奶阿媽未上奶阿仔又唔識啜，結果係醫院淪落到黃疸＋血糖低要照燈，回家初時大家都仍是超迷惘，不過阿仔現在已經比我們訓練到，可以埋身餵，泵出黎餵，食人奶得，食奶粉都得，仲適應到三款不同既奶咀添！（阿仔，你好叻呀！）