California fitness – 又一黑店

因為上年其中一個我的新年願望是‘身體健康’，於是年頭時去入會California fitness，打算迫自己做下運動；其實正常精明的消費者都明白到個‘講價遊戲’如何運作，亦會做足功課才去，結果都要浪費我三個鐘頭的時間，最後預繳簽了三年會籍合約，另加鞋櫃一年。

明知佢地Ｄ教練堂搵人笨的，所以我只是去跑步和上團體課，一直相安無事。不過期間我因為身體理由要暫停會籍三個月，當時負責的職員告訴我，鞋櫃也會同時暫停，所以要我即時清理並帶走內裡的私人物件。


一年眨下眼便過去，但前兩天我突然收到California fitness的電話，話我的鞋櫃已到期，我十分奇怪，因為明明尚有三個月使用期的，哪知道那職員竟回答會籍是有暫停，不過鞋櫃是不能暫停的，哪究竟是什麼道理呀？那三個月我都沒有使用過那鞋櫃卻又要我付租費，這簡直是騙人加搶錢啦。我立刻翻查手上的合約，發現原來會籍是無‘Definition’的，即是話如果California fitness突然對任何服務如毛巾，廁所，飲水要另外收費的話，會員是不得‘異議’的。


實在太過份了！我要求跟當時處理我暫停會籍的職員對質，是她說鞋櫃是可以暫停的，亦是她要求我清理鞋櫃的。但如我所料，該職員已離職了，所以死無對證。我又要求見Manager但被拒絕，因為這是公司指引，見唔見Manager都是同樣處理手法，即一定是要我吃虧啦！


於是我又打去California fitness的客戶服務熱線投訴，又得出另一版本，佢話那三個月我要付租費的原因，是由於鞋櫃內仍保存了私人物件，但明明是有人叫我清走哂Ｄ野，那三個月我都完全沒有使用過，現在是California fitness的職員出錯誤導我，但California fitness是不會負責任的，因為該職員已離職啦，真係無野好講。


其實California fitness的Sales一直都是臭名遠播，除了入會費海鮮價外，他們又是短期工，所以出錯講大話都不用負責任，總之簽約前乜都得，入會後就乜都唔得。那些私人教練亦是超級麻煩，每一個月都會打電話來問下做咩咁耐唔黎做下運動呀？關你鬼事咩。有時明明我在跑步機上都跑到喘哂氣，還要走來騷擾我，問我最近進度如何，要不要私人教練呀？我唔駛人睇住我做運動架。有同事試過私人教練堂，先是個教練會遲到十五分鐘，教了半個鐘就話要十五分鐘cool down，所以一個鐘既堂其實只有三十分鐘，實在是超級搵笨。



唉，仲有兩年才落得番隻賊船，希望其他朋友能夠小心Ｄ啦！