原來飲住人奶唔會病呢個只是傳說黎咋…
話說聖誕節期間，Daniel B去左婆婆公公屋企喪玩了一整天，回家後成晚都唔肯瞓，居然可以由2am喪喊到5am無收過聲，這是由出世到現在都從未發生過既事；初時還以為是小兒過度興奮發惡夢諸如此類，但第二朝就開始發現Daniel B個身熱熱地，只是我們實在是毫無經驗，仍是不以為意以為穿得太多衫，過了大半天才察覺到唔妥，一探熱之下Daniel B竟然燒到38.7度！！！
那一刻真的嚇個半死，之前打過幾次針都無發過燒，今次確實是措手不及；跟著我就手忙腳亂地餵Panadol，又不斷‘積’Daniel
B飲我的人奶存貨，幸好Daniel B極喜愛食Panadol，簡直是食到lam
lam脷欲罷不能，而且雖然呆呆地，但仍肯玩同食，都總算令人放心一點。
發燒中都仲玩到好興奮…
之後幾天簡直就如地獄一般…白天要不停密切監察Daniel B的情況，不斷地探熱和做全身檢查，只是除發燒外，又真的沒其他明顯的病徵，個肚好像漲漲地，又痾過一次稀便便，亦有少少鼻水，最恐怖是體溫繼續攀升，食左Panadol會好少少，藥氣一過又會燒到成40度…
夜晚仲慘，Daniel B鼻塞塞瞓唔到，每兩個鐘喪叫一次，又唔夠膽唔抱唔理佢，全家人都癲哂，個個變哂喪屍；去到第四日，Daniel B更開始出紅疹，先是身上出紅點，之後再越來越大撻，更漫延到成面都係，實在很有衝動去睇醫生，好彩我有個同學是兒科醫生可以打電話問意見，才知應該是玫瑰疹，因為燒同一時間即刻退哂，除左成面紅疹樣衰衰之外，跟著幾日，Daniel B終於變回原來正常可愛既小B啦！
沒有留言:
張貼留言