年初四：Chef Mickey@Hollywood Hotel

現在要帶Daniel B出街食飯，餐廳的選擇少得可憐，浪漫西餐廳當然是再無可能，所以我們多數幫襯中式酒樓，仲要是舊式嗰隻，才足以掩蓋Baby不時發出的尖叫和拍檯聲。只是此類酒樓大部份都極之擠迫，提供的BB椅也殘殘舊舊安全度不足，大人和小朋友都坐得不太舒服。

但今日有重大發現！話說年初四這天，約了另一對也是有Baby的朋友團拜，不知是誰提議去迪士尼酒店，因為有得泊車帶著Baby方便一些，於是便訂了Hollywood Hotel的Chef Mickey。

 

想不到去到有意外驚喜，首先在場有勁多不同年齡的小朋友，大家一齊鬥嘈，絕對不會遭受任何白眼；最重要是餐廳極之Baby Friendly，有乾淨換片的地方當然是一個must，Baby也有自己的座位以及餐具，十分舒適寬敞。侍應更是訓練有素，對所有小朋友的橙叫聲都習以為常，亦非常醒目眼觀八方，我一轉頭，Daniel B已將檯上所有餐具和紙巾一古腦兒掃落地，但侍應二話不說，立刻衝上前清理現場，再送上全新一套的餐具，實在是十分體貼。

但最令人興奮的是，原來在這裡食自助可以同Chef Mickey影相呀！！！不過我卻發現，喜歡米奇老鼠並不是天生的，當Daniel B見到鼠頭人身的Chef Mickey行過時，簡直是O哂咀，被隊埋去一齊合照時更是一臉愕然，但Daniel B呆呆的樣子實在是太可愛了，結果我也忍不住買了張相片(好貴！)。

至於食物方面，做爸媽之後，基本上都無啖好食，只記得味道都不錯，種類亦甚為豐富；總之整體感覺良好，非常適合一家大細去食！